Arjen Robben mun yfirgefa Bayern Munchen í sumar en hann verður þá samningslaus hjá félaginu.
Robben hefur verið hjá Bayern í níu ár en hann er 34 ára gamall í dag og er á leið annað.
Það er þó möguleiki á að Robben semji ekki við annað lið og að hann leggi skóna á hilluna.
,,Það væri stórt skref. Það er ekki eitthvað sem þú ákveður á einum degi bara allt í einu,“ sagði Robben.
,,Auðvitað hefði ég sagt já, að ég myndi bíða með þetta lengur en það er ekkert betra en að fara eins og ég er að gera.“
,,Það er allt skýrt frá báðum aðilum svo síðustu mánuðirnir hérna verða mjög sérstakir.“
,,Kannski mun ég hætta algjörlega. Ef það kemur tilboð og ég er 100 prósent viss um að það sé eitthvað gott þá mun ég halda áfram.“
,,Ef það tilboð kemur hins vegar ekki þá er þetta búið.“