Alls 31 þingmaður vill að sexmenningarnir af Klaustur bar segi af sér. Fréttablaðið beindi þeirri spurningu til 57 þingmanna Alþingis sem ekki sátu að sumbli á Klaustur bar, hvort þeir teldu að sexmenningarnir ættu að segja af sér, en átján svöruðu ekki. Aðeins einn þingmaður taldi sexmenninganna ekki þurfa að segja af sér.

Greinir blaðið frá því að margir þingmenn séu enn í áfalli vegna málsins, og sjái enga iðrun hjá þeim sem í hlut áttu. Reynt væri að klína aurnum á aðra þingmenn eða starfsfólk þingsins og að sexmenningarnir gerðu sér ekki grein fyrir alvarleika málsins.

Fréttablaðið talar við Eirík Bergmann stjórnmálaprófessor, sem segir að fordæmingin í þjóðfélaginu muni gera þeim þingmönnum sem ú hlut áttu, erfitt fyrir með að ná málum sínum fram á þingi og að þau séu sjálfkrafa ófær um að þjóna vilja umbjóðenda sinna, kjósenda.

Margir þingmenn hafa þegar gert upp hug sinn varðandi hvort það sama eigi yfir alla sexmenninganna að ganga, eða hvort stigsmunur sé á brotum þeirra. Margir töldu rétt að svara spurningum Fréttablaðsins eftir að siðanefnd Alþingis kemst að niðurstöðu um málið.