Það hefur gengið mjög erfiðlega hjá íslenska karlalandsliðinu árið 2018 og viljum við gleyma þessu ári sem fyrst.
Ísland spilaði þó á sínu fyrsta Heimsmeistaramóti sem var frábært. Þar duttum við úr leik í riðlakeppninni.
Það þóttu vera ákveðin vonbrigði eftir að hafa komist í 8-liða úrslit EM árið 2016.
Ísland spilaði 14 leiki árið 2018 en aðeins einn af þeim vannst. Það var fyrsti leikur ársins gegn Indónesíu.
Sá leikur endaði með 4-1 sigri Íslands en Albert Guðmundsson skoraði þá þrennu.
Níu af þessum 14 leikjum enduðu með tapi sem er gríðarlega slæm tölfræði miðað við síðustu ár.
Hér má sjá alla leiki Íslands árið 2018.
14. janúar – Indónesía 1-4 Ísland
23. mars – Mexíkó 3-0 Ísland
27. mars – Perú 3-1 Ísland
2. júní – Ísland 2-3 Noregur
7. júní – Ísland 2-2 Gana
16. júní – Ísland 1-1 Argentína
22. júní – Ísland 0-2 Nígería
26. júní – Ísland 1-2 Króatía
8. september – Sviss 6-0 Ísland
11. september – Ísland 0-3 Belgía
11. október – Frakkland 2-2 Ísland
15. október – Ísland 1-2 Sviss
15. nóvember – Belgía 2-0 Ísland
19. nóvember – Katar 2-2 Ísland
