Breiðablik 2-1 FH
1-0 Arnþór Ari Atlason
1-1 Pétur Hrafn Friðriksson
2-1 Aron Bjarnason
Það fór fram stórleikur í Fífunni í dag er Breiðablik og FH áttust við í Bose-mótinu árlega.
Um var að ræða annan leik mótsins en á dögunum áttust við Víkingar og KR þar sem KR hafði betur, 8-2.
Það var ekki eins mikið fjör í leik dagsins en þrjú mörk voru þó skoruð og voru það þeir grænklæddu sem höfðu betur.
Arnþór Ari Atlason kom Blikum yfir snemma leiks áður en Pétur Hrafn Friðriksson jafnaði metin fyrir FH.
Aron Bjarnason reyndist svo hetja Blika og skoraði sigurmark liðsins tíu mínútum fyrir lok fyrri hálfleiks.
