Brendan Rodgers, stjóri Celtic, hefur tjáð sig um brottrekstur sinn frá Liverpool sem átti sér stað árið 2015.
Rodgers var rekinn snemma á tímabilinu eða eftir átta leiki, hann fékk símtal frá eigendum félagsins eftir leik við Everton.
Rodgers segir að það hafi ekki verið mikið vesen en hann var stjóri liðsins í þrjú ár og var nálægt því að vinna titilinn tímabilið 2013/2014.
,,Ég hafði yfirgefið Liverpool í október. Þetta var snemma á tímabilinu, eftir aðeins átta leiki,“ sagði Rodgers.
,,Ég svaraði símanum á sunnudagskvöldi, eftir grannaslaginn við Everton. Það voru eigendurnir og þeir tjáðu mér að þeir þyrftu að breyta til.“
,,Ég þurfti að sætta mig við þá ákvörðun og eftir það þá var ég ekki lengur stjóri Liverpool.“
,,Á mánudaginn fékk ég svo boð um annað starf. Mér leið þó þannig að hvert sem ég myndi fara þá þyrfti ég að hefja tímabilið með því liði.“
