Hjörvar Hafliðason, knattspyrnusérfræðingur og stjórnandi í Brennslunni sagði skemmtilega sögu á FM957 í morgun.
Þar sagði Hjörvar frá því að einn aðili væri með hann „blokkaðan“ á Twitter. Um er að ræða markvörðinn, Kasper Schmeichel sem var ósáttur með Hjörvar.
Um er að ræða atvik sem gerðist árið 2010 en þá stóð Schmeichel í marki Leeds en hann er í dag markvörður Leicester.
Schmeichel var á sínum yngri árum sagður vera í lélegu formi miðað við að vera atvinnumaður í knattspyrnu og Hjörvar var á sama máli.
,,Það er einn maður sem er með mig blokkaðan á Twitter, það er Kasper Schmeichel,“ sagði Hjörvar í Brennslunni.
,,8 ára gamallt dæmi, ég kallaði hann ´Fat Kasper Schmeichel´ árið 2010, ég sagði að honum að hann þyrfti að fara á ´diet´. Hann þurfti að létta sig, ég náði að ýta það mikið í hann að hann blokkaði mig.“
Ríkharð Óskar Guðnason sem stýrir þættinum með Hjörvari og Kjartani Atla sagði. ,,Hann hefur pottþétt litið á þig, eitthvað íslenskt nobody.“