LUX, kvikmyndaverðlaun Evrópuþingsins voru afhent í dag og hlaut íslenska kvikmyndin Kona fer í stríð verðlaunin, en myndinni var leikstýrt af Benedikt Erlingssyni. Verðlaunin voru afhent í hádeginu í dag í Strasbourg af Antonio Tajani, forseti Evrópuþingsins sem Benedikt sjálfur tók við.
Hlaut kvikmyndin flest atkvæða þingmanna Evrópuráðsins, en myndirnar Styx og The other side of everything lentu í öðru og þriðja sæti. Allar myndirnar sem hlutu verðlaun þetta árið eiga það sameiginlegt að kona fer með aðalhlutverkið í myndunum.
Kvikmyndin Kona fer í stríð hefur hlotið fjölda verðlauna ásamt því að vera tilnefnd til fjölda verðlauna, nú síðast hlaut myndin kvikmyndaverðlaun Norðurlandaráðs.
