Amanda Blank, sem öðlaðist mikinn frama í vaxtaræktarheiminum, fannst látin á heimili sínu í Los Angeles í gær.
Amanda var 42 ára og starfaði hún meðal annars við að koma fræga fólkinu í form. Meðal viðskiptavina hennar í gegnum árin má nefna Mickey Rourke, Alex Rodriguez, Michelle Moaghan og Jordana Brewster.
Sjálf náði Amanda langt í fitness og vaxtarækt og sankaði hún að sér verðlaunum á stærstu mótunum. Hún fannst látin í baðkari á heimili sínu en dánarorsök hefur ekki verið gefin út.
Amanda var vinsæl á Instagram þar sem fylgjendur hennar voru rúmlega 80 þúsund.
