Jose Mourinho, stjóri Manchester United, hefur komið aðstoðarmanni Maurizio Sarri, Marco Ianni, til varnar.

Ianni kom sér í vesen um helgina er hann fagnaði jöfnunarmarki Chelsea í 2-2 jafntefli fyrir framan andlitið á Mourinho.

Mourinho brást mjög reiður við og ætlaði að vaða í Ítalann áður en öryggisverðir komu til bjargar.

Ianni bað Mourinho afsökunar eftir leik og vill Portúgalinn ekki sjá félagið reka starfsmanninn þrátt fyrir ein mistök.

,,Ég er ekki ánægður með hversu langt á að taka þetta með unga strákinn. Hann á ekki meira skilið en það sem hann fékk,“ sagði Mourinho.

,,Hann bað mig afsökunar og ég tek við því. Hann á skilið annan séns, hann á ekki skilið að vera rekinn.“