Maxwel Cornet, leikmaður Lyon í Frakklandi, er að íhuga að yfirgefa félagið en hann er óánægður.

Cornet hefur aðeins komið inná í sex leikjum á tímabilinu og er varaskeifa þessa stundina.

Þessi 22 ára gamli leikmaður er með tilboð frá öðrum félögum og gæti farið í janúar.

,,Ég skemmti mér bara þegar ég er á vellinum. Að spila meira er það sem ég sakna mest,“ sagði Cornet.

,,Ég held að ég hafi sýnt það gegn Manchester City að stjórinn ætti að treysta mér í stórum leikjum.“

,,Ég fel það ekki, ég er með tilboð á borðinu og ég hef áhuga á að fara. Félagið sagðist ætla að treysta á mig en ég spila lítið.“