Bensínstöð Atlantsolíu í Borgarnesi má finna á ljósmynd sem tilnefnd er til Sony-ljósmyndaverðlaunanna. Þetta er í tíunda sinn sem þessi verðlaun verða veitt, en ásamt bensíndælunum í Borgarnesi má finna myndir af flamingófuglum, tignarlegum fossum, stjörnubjartan himinn og hvalsporð sem er einnig frá Íslandi. Verðlaunin eru á vegum ljósmyndadeildar Sony og er verðlaunaféið rúmlega 2,6 milljónir í peningum.
Myndina af bensínstöðinni tók suður-kóreski ljósmyndarinnar Chul-ui Song. „Ég fann bensínstöð fyrir tilviljun eftir að hafa keyrt um í snjónum í meira en fjóra tíma,“ segir Song í útskýringu með myndinni.
