Marcus Rashford, leikmaður Manchester United, er ekki ‘náttúrulegur markaskorari’ að mati Paul Merson, fyrrum leikmanns Arsenal.
Rashford er oft ásakaður um að klikka á of mörgum færum en Merson segir að það sé skiljanlegt.
Sumir segja að Rashford eigi að fá fleiri tækifæri sem framherji frekar en vængmaður en Merson er ósammála því.
,,Ég held að hann sé ekki hæfileikaríkur klárari, hann er ekki náttúrulegur markaskorari,“ sagði Merson.
,,Fólk segir að hann hafi átt að skora þrjú fyrir England gegn Króatíu en hann er ekki náttúrulegur markaskorari.“
,,Þegar þú spilar fyrir topp félag og England þá þarftu að skora úr þessum færum. Romelu Lukaku skoraði tvö mörk fyrir Belgíu um daginn, hann er markaskorari.“
