Í umsögnum gesta kennir ýmissa grasa. Einn segist hafa þurft að borða morgunkornið úr rauðri plastkörfu og birtir mynd með. Þá hafi morgunverður ekki fylgt með helgardvöl en því hafi verið leynt þar til búið var að greiða fyrir gistinguna.
„Ég varð að kaupa kornfleks, það var ekkert til að setja það í svo ég varð að tæma körfuna, sem skítugir tepokar voru í (já, skítugir tepokar) og borða úr henni með gaffli.“
Aðrir gestir hafa birt myndir af vægast sagt illa útlítandi veggjum og einn sagði að herbergið hafi verið eins og „fangelsi“ og bætti við:
„Ef þú tekur einhvern tímann áhættuna á að gista á þarna, mundu þá að þurrka af fótunum á leiðinni út.“
Eigandinn er ekki sáttur við umsagnir gesta og segir að sumir hafi greinilega ekki gist hjá honum þrátt fyrir að hafa skrifað umsagnir á TripAdvisor. Af 78 umsögnum segja 31 að hótelið sé „hræðilegt“, 9 segja það „lélegt“ og 8 segja það í „meðallagi“. 13 segja það „frábært“ og 12 segja það „mjög gott“.
Einn þeirra sem skýrir frá slæmri upplifun segir:
„Látið mig frekar fá pappakassa en að stíga aftur fæti inn í þetta hús aftur.“
Núverandi eigandi tók við rekstrinum í júní og er enn að vinna að lagfæringum. Eftir að hann tók við rekstrinum hafa umsagnirnar breyst og eru orðnar jákvæðar, að mestu. Þó hafa ein og ein slæm slæðst með og er hann ósáttur við það eins og fyrr segir.