Sunderland á Englandi hefur ákveðið að losa sig við miðjumanninn Didier Ndong og hefur rift samningi hans.

Þetta staðfesti félagið í dag en Ndong braut reglur á samningi sínum í sumar. Hann nennti ekki að mæta á æfingar.

Ndong var fenginn til Sunderland er liðið lék í ensku úrvalsdeildinni en liðið spilar í dag í þriðju efstu deild.

Ndong ákvað loksins að mæta til æfinga hjá félaginu í dag og var í kjölfarið rekinn.

Það var David Moyes sem keypti Ndong til félagsins árið 2016 og er hann dýrasti leikmaður í sögu félagsins.

Ndong kostaði liðið 13,6 milljónir punda og átti enn þrjú ár eftir af samningi sínum.