Frakkinn Didier Deschamps hefur verið valinn þjálfari ársins af FIFA en þetta var staðfest í kvöld.
Verðlaunaafhending FIFA fer fram í London þessa stundina og kom Deschamps til greina ásamt Zinedine Zidane og Zlatko Dalic.
Zidane náði frábærum árangri með Real Madrid og vann Meistaradeildina í maí og Dalic kom Króatíu í úrslit HM.
Deschamps gerði enn betur og fór alla leið með franska liðið sem fagnaði sigri á mótinu í Rússlandi.
Deschamps hefur undanfarin sex ár verið landsliðsþjálfari Frakklands en hann var fyrir það þjálfari Monaco, Juventus og Marseille.