Í kvöld fáum við að vita hver verður valinn besti leikmaður ársins hjá FIFA en verðlaunaafhending fer fram í London.

Luka Modric, Mohamed Salah og Cristiano Ronaldo koma allir til greina en Modric var fyrr á árinu valinn leikmaður ársins hjá UEFA.

Það er talið líklegt að Modric vinni verðlaunin í kvöld en Ronaldo ákvað til að mynda ekki að mæta á afhendinguna í kvöld.

Eden Hazard, leikmaður Chelsea og Belgíu, kemur ekki til greina en hefur opinberað hvern hann valdi sem besta leikmann heims.

,,Ég kaus Luka Modric en Mohamed Salah er vinur minn svo ég vona að hann vinni,“ sagði Hazard.

Salah og Hazard voru um tíma saman hjá Chelsea en sá fyrrnefndi náði sér ekki á strik og fór til Ítalíu.

Eftir dvöl hjá Fiorentina og Roma var Salah svo seldur til Liverpool þar sem hann hefur gert frábæra hluti.