Cristiano Ronaldo Jr, telur að hann verði betri en pabbi sinn, Cristiano Ronaldo, sem er í dag besti knattspyrnumaður í heimi.
Ronaldo gekk í raðir Juventus í sumar og það gerði sonur hans sömuleiðis en hann hafði alla tíð búið í Madríd.
Sonur kappans er 8 ára gamall og virðist vera nokkuð efnilegur í þessari fallegu íþrótt.
Hann virðist einnig hafa sömu trú á sér og pabbi sinn, hann telur að hann verði á endanum betri en hann.
,,Ég vona að sonur minn verði eins og ég, hann segir mér alltaf að hann verði betri en ég. Ég held að það verði erfitt,“ sagði Cristiano Ronaldo.
Ronaldo skoraði sín fyrstu mörk fyrir Juventus um helgina. ,,Ég er mjög ánægður með að hafa skorað, líka til að gleðja son minn. Hann spilar fyrir Juventus og aðlagast mjög vel, þetta hefur verið einfaldara fyrir hann en mig.“
