Mario Gotze, leikmaður Borussia Dortmund, hefur tröllatrú á því að Usain Bolt, fljótasti maður heims, geti náð árangri sem knattspyrnumaður.

Bolt er þessa stundina hjá ástralska félaginu Central Coast Mariners en hann var áður á reynslu hjá einmitt Dortmund.

,,Ég tel að Bolt geti náð árangri. Ég þekki ekki gæði áströlsku deildarinnar og ég þekki ekki liðin þarna,“ sagði Gotze.

,,Hann er íþróttamaður og býr yfir miklum hæfileikum. Það er mikilvægt til að ná árangri í fótbotla.“

,,Það var mjög áhugavert að fá Bolt hingað. Bara að kynnast honum í persónu og sjá öðruvísi íþróttamann reyna að spila fótbolta.“

,,Hann stóð sig nokkuð vel, ég viðurkenni það að ég bjóst við að hann yrði verri.“