Jose Mourinho, stjóri Manchester United, vill lítið segja við blaðamenn þessa stundina eftir erfitt sumar.
Mourinho vildi fá inn nýjan miðvörð í sumar en stjórn félagsins gat ekki fengið mann inn fyrir lok gluggans sem lokaði í gær.
Mourinho hefur áður sagt að leikmannahópur liðsins sé ekki nógu góður til þess að berjast um efsta sæti deildarinnar.
Portúgalinn sat fyrir svörum í gær en hann segir að allir munu komast að því hvaða lið geti unnið titilinn eftir tvo mánuði.
,,Ég veit hvaða orð þið viljið að ég segi. Í lok nóvember eða desember þá vitið þið hvaða lið geta unnið ensku úrvalsdeildina,“ sagði Mourinho.
