Chelsea hefur fest kaup á markverðinum Kepa Arrizabalaga en félagið staðfesti þetta nú rétt í þessu.
Kepa var fyrst orðaður við Chelsea í gær en hann er 23 ára gamall Spánverji og var á mála hjá Athletic Bilbao.
Kepa kemur til Chelsea á 71 milljón punda og er í kjölfarið orðinn dýrasti markvörður sögunnar.
Hann tekur við sem aðalmarkvörður Chelsea af Thibaut Courtois sem er á leið til Real Madrid.
Kepa var partur af landsliði Spánar á HM í sumar en hann skrifaði undir sjö ára samning við félagið.