Roy Keane, fyrrum leikmaður Manchester United, var langt frá því að vera hrifinn af tveimur leikmönnum enska landsliðsins í gær.
Keane ræddi um þá Phil Jones og Danny Rose sem spiluðu í 2-0 tapi Englands gegn Belgíu á HM.
Enska liðið hefur oft litið betur út en í gær og segir Keane að tvímenningarnir kunni einfaldega ekki að spila vörn.
,,Ef þú ætlar að gera sömu mistök í hverri viku þá heldur þetta áfram. Þeir munu ekki breytast, Rose og Jones,“ sagði Keane.
,,Þeir eru ekki góðir að verjast, þeir eru ekki góðir varnarmenn. Þeir eru að vinna með mjög góðum þjálfurum og ef þeir ætla ekki að breyta leikstíl þeirra þá halda þeir áfram að gera það sama aftur og aftur.“