Þýskaland 2-1 Svíþjóð
0-1 Ola Toivonen(32′)
1-1 Marco Reus(48′)
2-1 Toni Kroos(94′)
Það fór fram ótrúlegur leikur á HM í Rússlandi í kvöld er Svíþjóð og Þýskaland áttust við í mögnuðum leik.
Svíar voru lengi í frábærri stöðu í leiknum en staðan var 1-1 alveg þar til á 94. mínútu leiksins er Þjóðverjar komust yfir.
Heimsmeistararnir hefðu verið í slæmri stöðu ef leikurinn hefði endað með jafntefli eftir tap gegn Mexíkó í fyrsta leik.
Toni Kroos reyndist hetja tíu manna Þjóðverja í kvöld en Jerome Boateng fékk rautt spjald hjá þeim þýsku á 82. mínútu leiksins.
Kroos skoraði magnað sigurmark fyrir Þýskaland í blálokin og heldur vonum liðsins um að komast í 16-liða úrslit á floti.
Þýskaland er nú í öðru sæti riðilsins með 3 stig rétt eins og Svíþjóð en Svíar eiga erfiðan leik gegn Mexíkó í lokaumferðinni. Þýskaland mætir Suður-Kóreu.
