Hörður Snvævar Jónsson skrifar frá Rússlandi:
Íslenska karlalandsliðið tapaði gegn Nígeríu á HM í Rússlandi í gær en lokatölur urðu 2-0 fyrir nígeríska liðinu.
Ísland er í erfiðri stöðu fyrir lokaumferðina en við mætum þá Króatíu sem hefur unnið báða sína leiki í riðlakeppninni. Spilamennska íslenska liðsins þótti ekki góð gegn Nígeríu í gær og þá sérstaklega í síðari hálfleik er við fengum á okkur bæði mörkin.
Íslenska liðið hélt í æfingabúðir sínar í gærkvöldi í Kabradinka og æfði svo í morgun.
Jóhann Berg Guðmundsson sem meiddist gegn Argentínu og var ekki með í gær. Æfði í dag með sjúkraþjálfara, góðar líkur eru á að hann spili gegn Króatíu.
Þá var Ragnar Sigurðsson mættur að skokka en hann fékk höfuðhögg í gær og fór af velli. Athygli vakti að búið var að raka hár Ragnars enda þurfti að sauma hann í gær.