Jose Mourinho, stjóri Manchester United, hefur mikla trú á miðjumanninum Fred sem er genginn í raðir félagsins.
Fred kemur til United frá Shakhtar Donetsk í Úkraínu þar sem hann hefur gert góða hluti undanfarin ár.
Mourinho segir að Fred muni hjálpa öðrum leikmönnum liðsins og að hann verði mikilvægur á næstu leiktíð.
,,Fred mun gera aðra miðjumenn okkar betri. Við þurfum hans sköpunargáfu, hans sendingargetu, hann gefur okkur aðra vídd,“ sagði Mourinho.
,,Ég er mjög ánægður með að hann sé á leið til félagsins og ég trúi því að leikmennirnir okkar viti hversu mikilvægur hann getur verið.“