Hörður Snævar Jónsson skrifar frá Rússlandi:

Alfreð Finnbogason framherji Íslands segir það afar mikilvægt fyrir leikmenn liðsins að koma sér niður á jörðuna.

Núllstilling, sé mikilvæg fyrir leikinn gegn Nígeríu. Úrslitin gegn Argentínu hafi verið góð en komi ekki liðinu neitt áfram nema að liðið haldi áfram að gera vel.

,,Þetta er stærsta sviðið sem hægt er að vera á í fótboltanum, þetta er eitthvað sem mun fylgja manni sem leikmanni lengra en eftir mótið. Það er ekkert eðlilegt við þenann leik, gríðarlega hátt spennustig. Erfiðara að ná ró fyrir þennan leik en marga aðra,“ sagði Alfreð.

,,Við þurfum vera fljótir að núlstilla okkur, gott stig en með eitt stig erum við ekki að fara áfram. Í fótboltanum er það þannig, þú ert dæmdur af síðasta leik. Við þurfum að vera fljótir að ná okkur.“