Ari Freyr Skúlason, vinstri bakvörður íslenska landsliðsins í knattspyrnu, fékk fallega kveðju frá fjölskyldu sinni áður en hann hélt til Rússlands með landsliðinu. Í meðfylgjandi myndbandi, sem Ari birti á Instagram, má sjá kveðjuna sem sonur Ara les.
Í kveðjunni segir hann meðal annars: „Elsku pabbi, gangi þér vel í Rússlandi. Við söknum þín og stöndum með þér alveg 150%.“
Ari, sem spilar með Lokeren, er búsettur í Belgíu og á hann þrjú börn með Ernu Kristínu Ottósdóttur, einkaþjálfara og sálfræðinema. Börn þeirra eru á aldrinum tveggja til sex ára.
Áður en landsliðið hélt af stað til Rússlands var spilað myndband þar sem aðstandendur strákanna okkar sendu þeim kveðju fyrir mótið. Óhætt er að segja að það hafi verið tilfinningaþrungin stund enda framundan nokkuð löng fjarvera frá fjölskyldu og ástvinum. Það yljar þó eflaust um hjartarætur að fá kveðju sem þessa. Myndbandið má sjá hér að neðan.
https://www.instagram.com/p/BjzUqmGg7hV/?taken-by=ariskulason