Ian Wright fyrrum sóknarmaður Arsenal er ekki sáttur með hvernig félagið hefur komið fram við gamla leikmenn félagsins.
Arsenal er að ganga frá ráðningu Unai Emery fyrrum þjálfara PSG en hann tekur við af Arsene Wenger sem var stjóri Arsenal í 22 ár.
Arsenal var langt komið í viðræðum við Mikel Arteta og heyrði einnig í Patrick Vieira sem er goðsögn hjá Arsenal.
,,Hvers vegna var verið að halda Arteta heitum? Af hverju var félagið ekki heiðarlegt og sagði hvað félagið vildi í raun og veru,“ sagði Wright.
,,Það er eins og félagið hafi látið snúa sér vegna umræðu, félagið ákvað að skoða hvernig umræðan yrði.“
Wright er afar ósáttur með hvernig komið var fram við Vieira. ,,Það sorglegasta er að Arsenal hafi haft samband við Vieira, bara til að vera kurteisir.“
,,Að koma svona fram við Patrick, goðsögn hjá félaginu. Það var ömurlegt.“