Geir Ómarsson náði um helgina besta tíma Íslendings í járnmanni á einu sterkasta móti í þessari íþrótt, Challenge Roth í Hamborg í Þýskalandi. Geir lauk keppni á 8:49,06 klukkustundum og varð í fjórða sæti í sínum aldursflokki og í 22. sæti af 3500 keppendum.

Geir var búinn að æfa gríðarlega fyrir þetta mót og var uppskeran eftir því. Gamla metið átti Stefán Guðmundsson sem sett var í Kaupmannahöfn fyrir þremur árum. Í járnmanni er keppt í þremur keppnisgreinum, 3,8 km sjósundi, 180 km hjólreiðum og loks í maraþoni sem er 42,195 km.

Fleiri Íslendingar tóku þátt í mótinu í Hamborg um helgina. Þórunn Margrét Gunnarsdóttir, var fyrst í sínum aldursflokki og í 21. sæti af öllum konum (600 samtals) í Ólympískri vegalengd.
Sarah Chusing var önnur í sínum aldursflokki og 10. í heildina af 600 keppendum. Amanda var önnur í sínum aldursflokki og 10. af 1200 konum í sprettþraut.