Aurelio De Laurentiis, forseti Napoli, býst ekki við því að Maurizio Sarri verði stjóri liðsins á næstu leiktíð.
Sarri hefur sterklega verið orðaður við brottför en bæði Chelsea og Arsenal hafa sýnt honum áhuga.
De Laurentiis hefur ítrekað reynt að fá svör frá Sarri og umboðsmanni hans en hefur ekkif engið neitt svar.
,,Framtíð Sarri? Þú verður að spyrja hann. Hann hefur aldrei viljað gefa mér svar og umboðsmaður hans segir alltaf ‘kannski’,“ sagði forsetinn.
,,Það er bara of seint núna, við verðum að halda áfram okkar plönum. Við höldum áfram og hugsum um framtíðina.“