Líkt og flestir vita hefur Instagram verið að stækka til muna undanfarna mánuði. Í síðustu viku hóf Bleikt nýjan lið en alla sunnudaga ætlum við að deila með lesendum áhugaverðum og skemmtilegum „instagrömmurum“ sem eiga það sameiginlegt að vera með opið Instagram.
Í síðustu viku kynntum við söngkonuna Jóhönnu Guðrúnu og leikkonuna Birnu Rún en í þessari viku langar okkur að segja ykkur frá þeim Öldu Karen og Amöndu Cortes.
Alda Karen:
Alda Karen starfar við sölu og markaðsmál hjá fyrirtækinu Ghostlamp. Ásamt því hefur Alda haldið gríðarlega vinsæla fyrirlestra bæði hérlendis sem og í New York þar sem hún býr. Alda er ung, metnaðarfull og virkilega flott kona sem gaman er að fylgjast með.
Hægt er að fylgjast með Öldu á Instagram undir notandanafninu: aldakarenh
Amanda Cortes:
Amanda Cortes er bloggari á síðunni Öskubuska.is en þar skrifar hún mikið af færslum um veganisma. Amanda er sjálf vegan og er hún dugleg að deila uppskriftum og fleiru því tengdu. Amanda er líka mikill fagurkeri og er virkilega gaman að skoða fallegar myndir frá henni á Instagram.
Hægt er að fylgjast með Amöndu á Instagram undir notandanafninu: amandasophy
