Augsburg tók á móti Mainz í þýsku Bundesligunni um helgina en leiknum lauk mð 2-0 sigri heimamanna.
Það var Michael Gregoritsch sem skoraði fyrsta mark leiksins á 29. mínútu eftir sendingu frá Alfreð Finnbogasyni og staðan því 1-0 í hálfleik.
Alfreð bætti svo við öðru marki Augsburg á 92. mínútu og lokatölur því 2-0 fyrir heimamenn.
Íslendingurinn var í byrjunarliði Augsburg í leiknum í fyrsta sinn síðan 27. janúar síðastliðinn en hann hefur verið að glíma við meiðsli á kálfa.
Alfreð var magnaður í leiknum og lagði upp og skoraði eins og áður sagði en Augsburg er í ellefta sæti deildarinnar með 40 stig, 7 stigum frá Evrópusæti.