Þetta er afar dapurlegt.
Forseti Bandaríkjanna kemst á valdastól með aðstoð Rússa og fyrir tilstilli undirferlis sem á upptök sín í rússneskri undirróðursstarfsemi. Dálítið er þetta farið að minna á frægan kaldastríðsþriller sem kallast The Manchurian Candidate.
Hann vinnur í raun ekki kosningarnar. Andstæðingurinn fékk 2,7 milljón fleiri atkvæði. Þetta er dæmi um fornfálegt kosningakerfi sem speglar ekki vilja þjóðar. Það eru reyndar fleiri þjóðir sem búa við slík kerfi.
Donald Trump segist ekki ætla að sleppa hendinni af sjónvarpsþætti sínum sem nefnist The Apprentice.
Rifjast þá upp hvenær ég varð fyrst var við Trump. Fjölskylda mín horfði þennan þátt en ég tuðaði einhver ósköp yfir því að nokkur gæti eytt tíma sínum í að horfa á svo ömurlegan náunga.
En þetta er hvort sem er allt eins og asnalegur sjónvarpsþáttur, handan við staðreyndir og skynsemi.
