Þessi tafla kemur af heimasíðu Haga. Þarna má sjá hverjir eru tuttugu stærstu hluthafar í félaginu. Lífeyrissjóðir eru lang fyrirferðarmestir. En innherjar eru að selja í félaginu, það eru háttsettir starfsmenn þess – menn gera skóna að því að þetta kunni að vera af ótta við áhrif bandaríska verslunarrisans Costco á íslenskum markaði, annars konar vöruúrvals og verðlagningar.

Í pistli sem birtist hér á síðunni í gær var spurt hvort lífeyrissjóðirnir myndu kannski kaupa hluti innherjanna?

Um leið bregður þessi tafla upp mynd af því hvernig kaupin gerast á eyrinni á íslenskum markaði. Lífeyrissjóðirnir eru sagðir eiga 40 prósent af hlutabréfamarkaðnum og er hlutur þeirra stöðugt að aukast.