Ráðherra landbúnaðarmála segir að ekki komi til greina að endurskoða búvörusamningana.

Þeir voru kynntir sem orðinn hlutur, fait accompli, lagðir fyrir þjóðina þannig og fyrir Alþingi. Ekki skyldi hróflað við neinu.

Það getur ekki talist vera partur af lýðræðislegri aðferð – hún felur í sér að gjörð af þessu tagi er kynnt, hún fær umræðu og svo eru gerðar breytingar.

Margt sem hefur heyrst og sést í gagnrýni á búvörusamninginn er mjög málefnalegt. Það þýðir ekki að stilla því þannig upp, eins og ráðherrann gerir,  að þar séu bara einhverjir aðrir að gæta hagsmuna sinna.

Það er ómálefnalegt, óviðeigandi og ólýðræðislegt halda slíku fram.

Sérstaklega er minnisstæð gagnrýni Ólafs Arnalds, prófessors við landbúnaðarháskólann á Hvanneyri, sem beinist fyrst og fremst að sauðfjárhluta samningsins og Samkeppnisstofnunar en álit hennar er ítarlegt og feikilega harðort og í raun krafa um að samningarnir verði gagngert endurskoðanir.