Upplýsingar sem eru komnar úr Panamaskjölunum sýna gríðarlega spillingu í kringum Vladimír Pútín Rússlandsforseta. Þar má sjá að nokkrir vildarvinir forsetans eiga 2 milljarða dollara í aflandsfélögum. Það er þó sjálfsagt bara toppurinn á ísjakanum.

Viðbrögð sveitarinnar í kringum Pútín hefur verið að segja að þessar upplýsingar séu partur af samsæri Bandaríkjastjórnar og hins alþjóðlega fjárfestis George Soros. Soros er einkennilegur maður, hann hefur rekið risastóra vogunarsjóði, tekið stórar stöður gegn gjaldmiðlum, en á sama tíma staðið í alþjóðlegu starfi til að efla mannúð, mannréttindi og lýðræði.

Í grein sem birtist á vef Russia Today fyrir fáum dögum segir að Bandaríkjastjórn og Soros fjármagni birtingu Panamaskjalanna – til að koma höggi á Pútín. Russia Today er sjónvarpsstöð sem er alþjóðlegt áróðurstæki fyrir Pútín.

En málflutningur hefur birst í ýmsum myndum í fjölmiðlum sem eru hliðhollir stjórn Rússlands, en þarna er vitnað í Twitterfærslur frá WikiLeaks.

Hér eru svo fleiri Twitterfærslur frá WikiLeaks sem birtust allar á þriðjudaginn.

Þessar samsæriskenningar eru nú farnar að berast í íslenska fjölmiðla. Bloggari nefnist Gústaf Adolf Skúlason. Hann tengir samsærið ekki bara við Bandaríkjastjórn heldur líka við Evrópusambandið – til að tryggja völd þess sem hann kallar „Germaníu“. Það sé verið að senda Cameron í Bretlandi og Sigmundi Davíð á Íslandi skilaboð um að þau skuli ekki framvegis „standa í vegi vogunarsjóða“. Hér er brot úr bloggfærslu Gústafs Adolfs:

Reykjavíkurbréf Morgunblaðsins í dag er svo að miklu leyti byggt á skrifum Gústafs Adolfs. Þar fá samsæriskenningarnar smá byr undir vængi á Íslandi.