Að sumu leyti finnst mér síðustu dagarnir fyrir jól skemmtilegastir – og þetta árið hafa þeir verið venju fremur ánægjulegir.

Nokkrir hápunktar:

Jólaglöggið í Kjötborg, sjá hér.

Jólaplata Ragga Bjarna og Gunnars Þórðarsonar.

Jólaseríurnar sem ég hef baksað við að koma upp og vor nánast orðnar að þráhyggju í fyrradag.

Jólaljósin á skipunum í höfninni í kvöldrökkrinu í gær.

Hvað ég er hræðilega lélegur að pakka inn jólagjöfum, fer aldrei neitt fram en reyni samt.

Laugavegurinn í gær og fyrradag.

Að eiga fimm ára strák.

Það er aldeilis margt sem maður getur verið þakklátur og glaður yfir. Við urðum sammála um það undir svefninn í gær við Kári að jörðin væri falleg.

Gleðileg jól.

(Myndin er af jötunni sem ég skrifaði um fyrir nokkrum dögum – með Jesúbarninu í yfirstærð.)