Krónan fellur, gengislánin hækka, en samt er ennþá miklu hagstæðara að vera með erlend lán en íslensk lán. Verðtryggingin fer að telja hressilega þegar verðbólgan rýkur upp – meðal annars vegna falls krónunnar!

Fólk mun halda áfram að borga og borga, en ekkert lækkar.

Og á næsta ári er svo komið að nýjum skuldadögum þegar bankar sem lánuðu til húsnæðiskaupa geta gripið til endurskoðunarákvæða og hækkað vextina einhliða.

Eða halda menn að þeir muni ekki gera það?

Svo virðast sumir halda að krónan sé einhvers konar sjálfstæðismál. Hún er það altént ekki fyrir fólkið og fyrirtækin í landinu.