Mér sýnist að þeir sem eru andstæðastir Evrópusambandinu séu á ansi miklum flótta þessa dagana.

Maður heyrir athugasemdir eins og þessa: Verður veðrið ekki líka alltaf gott ef við göngum í ESB?

Svo er beðið eftir að einhver fari að hlæja að brandaranum.

Það er talað um að við eigum að athuga með að taka upp svissneskan franka eða norska krónu.

Íslendingar ferðast víða um heiminn. Hverju eru þeir bættari með norskar krónur farteskinu?

Annars nefndu meðlimir viðskiptanefnd sem sátu í Silfri Egils í gær merkilegan punkt. Nefndin hafði fengið í hendurnar stórt og mikið frumvarp, eitt af þeim sem berst okkur í gegnum EES samstarfið.

Með frumvarpinu fylgdu þau skilaboð að nefndin mætti ekki breyta neinu í frumvarpinu nema ef til vill nafni þess.

Svona fyrst menn eru að tala um fullveldisafsal – og landráð…

Annars er þetta stórkostleg samantekt hjá Baldri. Þá ekki síst ummæli Páls Péturssonar um að atvinnuleysi myndi aukast vegna EES samningsins, við myndum þá detta í meðaltalsatvinnuleysi í Evrópu:

„Þeir [forkólfar stéttarfélaganna] virðast loka augunum fyrir því að við erum að gerast aðilar að efnahagssvæði þar sem fast atvinnuleysi er um 10%. Með svipuðu lögmáli og vatnið rennur undan brekkunni hlýtur atvinnuleysi hér að aukast til stórra muna.“
(Páll Pétursson, umræður á alþingi 25.08.92)

Hefur maður heyrt þetta oftar?