Helfararafneitun er býsna útbreidd, það er farið að tala um loftslagsafneitun og svo er það 11/9 afneitun sem ég hafði ekki gert mér grein fyrir að væri svona algeng.
Þætti svona sjálfsögð.
Að það sé fullt af fólki á Vesturlöndum sem myndar sér skoðanir sem eru byggðar á útúrspeisuðum samsæriskenningum.
„Hvað er ég að eyða tíma í þessa bjána?“ spurði eitt átrúnaðargoð vinstri manna, George Monbiot, í grein sem hann skrifaði í fyrra um þá sem trúa því að Bush hafi sprengt tvíburaturnana, sent flugskeyti á Pentagon og látið flug 93 hverfa að morgni 11. september 2001.
