Það stendur að það verði kalt og hvasst til föstudags.

Maður er að verða pínu leiður á vetrarríkinu. Ég þvælist milli vefsíða ferðaskrifstofa og flugfélaga og læt mig dreyma. Spánn um páskana, New York um hvítasunnu, Grikkland í sumar?

Í Ríó er kjötkveðjuhátíð með tilheyrandi fjöri. Svo er reyndar líka í öðrum kaþólskum löndum. Þýska sjónvarpsstöðin ZDF er að sýna frá karnevali í Köln.

Eins og oft skortir okkur á Íslandi allan klassa. Við höfum bolludag, sprengidag og öskudag.

Rjómabollur, saltkjöt – en börnin sníkja sælgæti.

Reyndar gæti maður ekki ætlast til þess að fáklæddar meyjar dansi um miðbæinn í þessu veðri. Það yrði þá að vera í Smáralindinni.

En maður þarf einhverja upplyftingu – einhvern hita.