David Cox bloggar á vef Guardian um að hann vill meina stórhættulegt framtak rússnesku vísindaakademíunnar – að senda sterkar útvarpsbylgjur djúpt út í geiminn til að reyna að ná sambandi við geimverur.

Hér á við það sem var eitt sinn sagt: Be afraid, be very afraid.

Cox telur víst að sé til líf á öðrum hnöttum. Sumt geti jafnvel verið háþróað. En um leið álítur hann að eins líklegt sé að það sé stórhættulegt – eins og maðurinn er reyndar sjálfur.

Segjum sem svo að jarðarbúar myndu hefja landnám á hnetti þar sem væru íbúar fyrir, kannski ekki jafn þróaðir og við. Er ekki víst að þeir þyrftu ekki að kemba hærurnar – eða fálmarana?

Einhverjir marsbúar gætu semsagt numið boðin og ákveðið að koma hingað í könnunarferð eða jafnvel landnámsleiðangur. Þá er eins líklegt að útkoman verði Independance Day eða Mars Attacks fremur en ET.

Cox vitnar í tvo þekkta stjörnufræðinga. Annar sagði að verur úti í geimnum gætu verið bæði „klókar og vel vopnum búnar“.

Hinn sagði:

„Ef við heyrum geimsímann hringja skulum við í guðanna bænum ekki svara. Við skulum ekki draga athygli að sjálfum okkur.“

Cox vill að breski utanríkisráðherrann kvarti við Rússa yfir þessu – líkt og ýmsu öðru – áður en Rússar verði í ógáti valdir að tortímingu jarðarinnar.

— — —

Gott upphaf að geimmynd:

Ring Ring.

„Hello, are you calling us? You want to talk to our master. Can we talk to your master?“

Knirk knirk.

„Just wait a moment.“

Búmm. Búmm. Ba-Búmm.