Ég hef tekið eftir því undanfarið að ég er með verk í þumalfingri hægri handar.
Ég fann ekki neina skýringu á þessu, hversu sem ég skoðaði þumalinn eða togaði í hann.
Loks rann upp fyrir mér ljós, mér tókst að sjúkdómsgreina sjálfan mig: Ég er með lestölvu-þumal.
Maður fær hann af því að fletta stöðugt með þumlinum á Kindle-lestölvu.
Og viti menn, fyrirbærið er þekkt.
Veiki þumallinn flettir.
