Aðalfréttin bæði á RÚV og Vísi er um silfurpening frá Ólympíuleikunum í Peking 2008 sem er til sölu.

Það er væntanlega einhver handboltamaður sem tók þátt í keppninni sem er að selja peninginn – segir ekki hver.

Menn eru mjög hneykslaðir yfir þessu, forseti ÍSÍ segir að það sé ekki „ólympíuandi“ að selja peninginn.

Það má svosem teygja og toga hvað er „ólympíuandi“. Hann virðist ekkert sérstaklega ríkjandi hjá Alþjóða ólympíunefndinni, svo dæmi sé nefnt.

En auðvitað er það einkamál viðkomandi íþróttamanns hvort hann selur peninginn. Kannski finnst honum hann ljótur, kannski hefur hann ekki pláss fyrir hann, kannski eru leiðinlegar minningar bundnar við hann – eða kannski er hann bara blankur.

Kemur í raun engum við.