Ég verð að viðurkenna að ég hef horn í síðu ákveðinna tegunda af fjölmiðlun.

Það eru til dæmis fríblöð. Mér hefur yfirleitt virst að þau séu einskis virði.

Og svo eru það sjónvarpsstöðvar sem senda út fréttir allan sólarhringinn. Ég hef aldrei skilið þörfina á því – vitlausast var þó þegar reynt var að opna slíka stöð á Íslandi þar sem aldrei gerist neitt.

Við getum ímyndað okkur hvernig fréttirnar hefðu verið í gær: Afsökunarbeiðni til Hannesar og týndi flugvélakötturinn. Aftur og aftur, allan daginn.

Hér er ágætt dæmi um hvað fréttamiðlun allan sólarhringinn getur verið vond og afspyrnu heimskuleg. Þetta er frásögn CNN af skotmanni í Washington – dregin sundur í saman í háði af Jon Stewart. Það sem er reyndar verst í þessu er að stjórnendum fréttastöðvarinnar er alveg sama um hvort fréttirnar eru réttar eða rangar, eins og Stewart bendir á – þeir eru bara að hugsa um áhorfstölur.

Hér má sjá þessa umfjöllun – þetta er afar lærdómsríkt. Fréttamenn CNN gera sig að algjörum fíflum.