Þau eru glaðleg tíðindin sem berast frá Fjármálaeftirlitinu sem hefur gert úttekt á stöðu lífeyrissjóðanna.

Samkvæmt þessu er þrennt til ráða:

Það þarf að hækka iðgjöld.

Skerða réttindi – semsé greiðslur úr sjóðunum.

Hækka lífeyrisaldur.

Líklega verður niðurstaðan blanda af þessu þrennu, eða það mætti ætla?

Gatið hjá sjóðunum sem hafa ábyrgð ríkis- og sveitarfélaga er svo 600 milljarðar. Þar er erfiðara um vik að beita aðferðum eins og réttindaskerðingu eða hækkun lífeyrisaldurs, enda er það allt bundið í niðurnjörvaða samninga.

Það má vera að íslenska lífeyriskerfið sé að grunni til gott eins og segir í greininni, en þarna eru þó ansi stór vandamál sem bíða úrlausnar.