Merkilegt er að sjá viðbrögð ráðamanna í Tyrklandi við mótmælunum í landinu. Sumt af því er kunnuglegt.

Fólk safnast saman í borgum og bæjum, en að auki hafa margið brugðið á það ráð að lemja potta og pönnur, sumir jafnvel bara úti á svölum hjá sér.

En Erdogan forsætisráðherra segir:

„Taksim er ekki Tyrkland.“

Les: „Þið eruð ekki þjóðin.“

Það er talað um að mótmælendur séu hryðjuverkamenn – hér á Íslandi var reyndar látið nægja að kalla þá skríl.

Og svo er farið að kenna útlendingum um allt sem miður fer – það er svo þægilegt. Um leið er höfðað til þjóðerniskenndar.

En hvað sagði ekki Samuel Johnson:

„Patriotism is the last refuge of a scoundrel.“