Fólk á vinstri væng virðist gefa sér að fylgi Sjálfstæðisflokksins minnki mjög þegar talið verður upp úr kjörkössum – miðað við það sem er í skoðanakönnunum. Það er ákveðin reynsla fyrir því að það sé minna í kosningum en í könnunum.
En er víst að svo sé? Til dæmis verður ekki séð, ólíkt því sem Össur Skarphéðinsson, að Björt framtíð taki atkvæði frá Sjálfstæðisflokknum.
Straumurinn þangað virðist liggja úr Samfylkingunni. Þetta sér maður til dæmis á Facebook, margt fólk sem hefur stutt Samfylkinguna er farið að birta myndir til stuðnings BF.
Hvað Framsókn varðar er hugsanlegt að BF verði þess valdandi að flokkurinn nái ekki að sækja fram á síðustu dögum fyrir kosningar, eins og hann hefur oft gert – að BF hirði kúfinn sem þá myndast oft hjá Framsókn.
En eins og staðan er núna býður fram afar tvístraður vinstri vængur gegn Sjálfstæðisflokki sem nær að standa saman – límið í honum er svo sterkt að meira að segja Evrópusinnar í flokknum halda áfram að kjósa hann þótt sífellt sé verið að hrauna yfir þá og kosningasigur Sjálfstæðisflokks marki nær örugglega endalok umsóknar um ESB-aðild.
