Merkilegt er að sjá í kosningabaráttunni tilraunir til að búa til eitthvað úr engu.

Það heita vindhögg.

Við sáum upphlaupið vegna skúranna í Vesturbænum.

Og svo vegna bifreiðarmála Dags B. Eggertssonar.

Nú er maður farinn að lesa greinar um að standi til að skemma Laugardalinn.

Þetta er hrein vitleysa.

Í nýju aðalskipulagi er gert ráð fyrir að efla Suðurlandsbrautina sem þróunar- og samgönguás.

Þetta myndi fela í sér að Suðurlandsbrautin fengi veigameira hlutverk í borginni og yrði væntanlega meira aðlaðandi.

Ekki mun af veita, en í raun er þetta mjög tímabært því fjölmörg hótel hafa risið í nágrenni Suðurlandsbrautar en umhverfið er frekar ótútlegt.

Laugardalurinn er þarna í grenndinni og ekki stendur til í að eyðileggja hann á nokkurn hátt.

Hilmar Þór Björnsson, sem skrifar um arkitektúr- og skipulag hér á Eyjuna, fjallaði um þetta í bloggfærslu fyrir nokkru. Hann kallar þessar fyrirætlanir „rós í hnappagat skipulags borgarinnar“