Gjaldmiðill sem er ekki hægt að skipta nokkurs staðar – er ekki gjaldgengur eins og það heitir og örugglega ekki í alþjóðaviðskiptum.

Gjaldmiðill sem er stöðug uppsprettta óstöðugleika og hefur verið um langt árabil.

Gjaldmiðill sem veldur því að vextir eru óbærilega háir – miklu hærri en í samanburðarlöndum.

Gjaldmiðill sem útheimtir verðtryggingu fjárskuldbindinga – þetta einkennilega skítamix.

Gjaldmiðill sem er aðallega fyrir sauðsvartan almúgann og smáfyrirtæki, því stærri fyrirtæki nota erlendar myntir.

Gjaldmiðill sem er svo vandmeðfarin að sjö árum eftir hrun örlar ekki á  peningastefnu til frambúðar.

Gjaldmiðill sem útheimtir efnahagsaðgerðir eins og „leiðréttinguna“.

Gjaldmiðill sem er í höftum og verður svo líklega áfram.

Gjaldmiðill sem er vondur fyrir landsbyggðina, eins og má lesa hér, en samt er líklega einna mestur stuðningur við hann þar.