Mikill viðbúnaður er hjá sænsku lögreglunni um gervalla Svíþjóð nú í kvöld. Landamæragæsla hefur verið efld, bæði með þeim sem koma til landsins en líka með þeim sem fara úr landi. Enn er leitað að þeim sem ók vörubílnum.
Öðrum blaðamannafundi sænsku lögreglunnar vegna atburðarins í miðborg Stokkhólms í dag var að ljúka í þessu. Hér er það helsta sem kom fram:
Fjórir látnir, 15 slasaðir, þar af níu alvarlega.
Vinna út frá því að þeirri kenningu að þetta sé hryðjuverk. Fara samkvæmt verklagi og áætlunum þar um.
Lögreglumenn á verði
Landamæragæsla hert, bæði með þeim sem koma og fara.
Lögreglan vinnur með öryggislögreglunni, deildum innan hersins og alþjóða stofnunum.
Hafa einbeitt sér að því að finna þann grunaða og taka hann fastan. Einn handsamaður. Nafn hans er vitað. Hann líkist þeim sem er á mynd sem dreift var fyrr í dag. Lögreglan vill ekki gefa upp þjóðerni hans að svo stöddu, né heldur hvort þetta sé maðurinn á myndinni. Gengið er út frá því að sá sem ók vörubílnum gangi enn laus.
Hafa athugað annað fólk sem gæti hugsanlega hafa átt hlutdeild að þessu. Fleiri en einn gætu hafa tekið þátt í verknaðinum.
Biðja fólk um að fara alls ekki til miðborgar Stokkhólms nema það eigi mjög brýnt erindi.
Lögreglan segist ekki geta ábyrgst að ekki verði framin fleiri hryðjuverk að svo stöddu. Lögreglan sé þó vel búin til að takast á við slíkt. Allir sænskir lögreglumenn beri skotvopn, þeir hafi líkamsvarnir svo sem skotheld vesti, vinna alltaf tveir saman, hafa verklagsreglur varðandi viðbrögð við hryðjuverkum og hafa æft svona atburði.
Talsmenn lögreglu að fólk eigi ekki að vera hrætt, láta ekki óttann ná tökum á lífi sínu.
